UNIDADE INTERDISCIPLINAR
UN CAMIÑO, MIL CULTURAS
ONE WAY, A THOUSAND
CULTURES
CURSOS: 2º , 3º E 4º DE ESO
AMBIENTACIÓN
A Fonsagrada, parada obrigatoria
no camiño primitivo de Santiago, é un dos puntos de referencia para os
peregrinos que percorren o citado camiño, que ven de ser nomeado Patrimonio da
Humanidade. É fundamental que ese camiño sexa posto en valor e coidado polos
habitantes da zona e, como é bastante mellorable tanto o trato ao peregrino
como a accesibilidade do pobo, así como a proxección exterior que se pode dar
da vila no mundo, consideramos que os nosos alumnos teñen moito que dicir ao
respecto.
Tomamos como referencia o Código
Ético Mundial para o Turismo, e, propoñemos aos nosos alumnos que adapten ese
código ético ao camiño no seu paso pola Fonsagrada.
O proxecto ganador será levado a cabo ao longo do actual curso escolar
e rematado no curso 2017-18.
OBXECTO:
O alumnado constituirase nun
“Congreso” co fin de ensinar ao resto dos compañeiros do centro distintos
proxectos de mellora da accesibilidade e de proxección da vila co gallo de que
os peregrinos que se achegan á zona poidan disfrutar de todos os aspectos da
contorna. A idea é que o seu proxecto se desenvolva para a Fonsagrada, pero sexa aplicable a calquera vila que se
sitúe no camiño de Santiago.
TEMPORALIZACIÓN:
●
O traballo interdisciplinar realizaríase a
primeira semana do terceiro trimestre
(27 - 31 de marzo).Presentación o día 3 de abril.
●
Cada materia, durante o mes de marzo, traballará
aqueles aspectos que lle encaixen na súa programación coa actividade.
No hay comentarios:
Publicar un comentario