Bo Nadal e Feliz 2014!

Dende o Equipo de Dinamización Lingüística do IES Fontem Albei queremos desexarvos a todos e a todas vós un Bo Nadal e un próspero 2014. 

Bo verán....!!!

A toda a Comunidade Educativa ,moitísimas grazas por facer posible a realización das actividades programadas no presente curso 2012-13.Grazas pola vosa colaboración e axuda.Entre todos é posible.

                                                Bo verán !!!!

Aula de produtos lácteos USC

Rematamos o curso cunha xincana proposta pola Aula de productos lácteos da USC. Os rapaces e rapazas de 1º e 2º da ESO en grupos de 4 e acompañados por un profesor en cada grupo recorreron A Fonsagrada resolvendo probas da xincana. Foi unha mañá do máiss entretida que tivo como premio unha tablet para cada un dos integrantes do equipo gañador. Foi unha boísima maneira de rematar o curso!!! Se queres ver as fotos pincha AQUI

A POLA VILA

A Pola Vila é o xornal que realizaron os alumnos/as de 4º da ESO coa axuda dos profesores Delia Polo e Gabino González. Dentro do xornal realizaron reportaxes sobre distintas actividades do plan realizadas no primeiro trimestre.

A Pola Vila

Premios Letras Galegas 2013.

Na convocatoria da Biblioteca Pública Municipal resultaron gañadores os nosos alumnos e alumnas tanto no certame de debuxo como da narrativa.
Noraboa e a seguir participando!

CARTEIS GAÑADORES:

MARÍA GLORIA FERNÁNDEZ(1º E.S.O A)

ROCÍO LÓPEZ(1º E.S.O A)

DANIEL RODRÍGUEZ (1ºE.S.O A)

PREMIOS DE NARRATIVA:

 Resultaron gañadoras as alumnas :Lara Arias e Irene Barreira de 4º da E.S.O e Marta Álvarez de 3º da E.S.O.

CELEBRACIÓN DÍA DAS LETRAS GALEGAS

Este ano fixemos unha celebración especial do Día das Letras Galegas. Levamos todo o ano profundizando na figura de Rosalía de Castro desde moi diferentes prespectivas conmemorando o 150 aniversario da publicación de Cantares Gallegos.
Dentro do noso Proxecto Rosalía queríamos renderlle unha sentida homenaxe a esta autora sen esquecer a Roberto Vidal Bolaño, home de teatro ao que se lle dedicaba o Día das Letras Galegas.Así que os unimos nunha única celebración.

O acto comezou coa representación por parte dos alumnos de 4º ESO dun fragmento da obra de teatro Agasallo de Sombras de Roberto Vidal Bolaño e continou co recitado de poemas de Cantares Gallegos levado a cabo polos rapaces e rapazas de 3º ESO. Tamén se presentou o video co que estes últimos alumnos participaron no concurso Imaxina cantares! O final de festa foi cantando dúas composicións de Cantares Gallegos nun karaoke feito para a ocasión.

En definitiva, foi unha celebración moi emotiva e na que o pasamos moi ben. Se queredes ter máis información podedes ir ao blog do Proxecto Rosalía no enderezo proxecto-rosalía.blogspot.com

Viaxe á Pobra do Caramiñal

O alumnado de 2º da ESO  foi quen de organizar unha saída de tres días para disfruta dun tempo de lecer e compañerismo pretiño do mar. Fíxeron todas as xestións e cálculos precisos para a estancia.Logo supervisados os presupostos e considerando que era viable conseguiron o permiso dos pais e que os acompañaramos os profesores Manuel e Gloria (Titora).
 O seu comportamento foi exemplar e aínda que o tempo non acompañou para disfrutar da praia ,pasarono moi ben. Xogamos ás cartas ao escondite...e compartimos sobre todo moito tempo de conversa.Parabéns a estas iniciativas do alumnado que amosa ter adquiridas competencias para a vida!!!
Se queredes ver máis fotos pinchade AQUI

Correlingua 2013. O galego,a chave do mundo.

Un ano mais participamos no Correlingua en Lugo. A verdade é que esta é unha das actividades nas que o Centro ven participando con asiduidade nos últimos anos e sempre o pasamos moi ben.
Hoxe o día axudou moito, porque tivemos unha mañá soleada para poder reivindicar que o galego é a chave do mundo mentres dabamos unha volta completa á muralla romana de Lugo.
Cando rematamos coa volta á muralla seguimos a festa na Praza de Santa María, onde nos comunicaron que foramos os gañadores do 2º Premio de Pancartas.
A festa non rematou ata a hora de comer,despois de desfrutar de bailes e risas.
Aquí tedes algunhas das fotos da xornada.O resto podedes velas no Facebook do Instituto.

Hip Hop en Navia

O EDL do Fontem Albei e o de Navia de Suarna colaboraron para un obradoiro de Hip Hop o pasado  martes 5 de  marzo.
A xornada levouse a cabo no CPI de Navia de Suarna e asistiron os nosos alumnos e alumnas de 1º e 2º da E.S.O.
O MC García do grupo Dios que te Crew que están de xira conmemorando os 10 anos que levan facendo rap en galego foi o encargado de explicarlles como se facian letras de rap.
A rapazada quedou encantada coa experiencia,e esperemos que en eventos próximos nos deleiten coas suas creacións.
Se queredes ver as fotos do evento podedes velas todas no Facebook do Instituto.

Antroido 2013

Un ano máis celebramos o Antroido con moita participación e afluencia de público tanto disfrazado como sen disfrazar.
A calidade dos participantes foi boísima poñendo en serios apuros ó xurado,que incluso tivo que conceder un Accésit.
Xa estamos argallando para que oano que ben sexa aínda máis sonado. A crise  non nos pon medo porque o noso IES está a moita altura !!! Podedes ver todas as fotos no Facebook do Instituto.