A Seimeira da Lingua

jueves, 19 de abril de 2012

CORRELINGUA 2012

Para a edición do presente ano 2012 do concurso de vídeo do Correlingua, presentamos a creación que aparece a continuación. "El Greira", que é como se fai chamar Óscar Díaz Mon, compuxo esta magnífica letra en defensa do noso idioma. Na interpretación aparece acompañado dun nutrido grupo de compañeiros e compañeiras de 2º de Bacharelato. Gañar non gañamos pero o pabillón do noso instituto quedou ben alto.

martes, 25 de octubre de 2011

Manuel, Mestre de lembranzas

Valoración do xurado

1º Premio: Ao proxecto presentados polo IES Fontem Albei, de A Fonsagrada (Lugo), coordinado por Delia Polo Losada, e que leva por título “Manuel, mestre de lembranzas”.

Valórase o tratamento dunha historia de vida como experimento didáctico e os resultados que, de forma indirecta, achegan ao alumnado a un mundo rural descoñecido para eles pero aínda vivo, e experimentado, na memoria de moitos dos seus conveciños.

1ª Parte

2ª Parte

jueves, 9 de junio de 2011

TELEXORNAL: Lois Pereiro

Durante este dous últimos meses estivemos gravando un Telexornal sobre o autor homenaxeado este ano no Día das Letras Galegas, o monfortino Lois Pereiro. Proximamente haberá unha proxección no salón de actos e difundirémolo a través dos nosos blogues. O formato é unha mestura entre un telexornal e un late show.
Ímosvos explicar como se xermolou todo o proxecto.

O primeiro día, Iria e eu estabamos bastante expectantes pois non sabiamos moi ben de que ía a cousa. Cando chegamos ao salón de actos, onde tiñamos o noso “plató”, Sabela, Evaristo e Rubén comezaron a explicarnos como ía ser a gravación. Dixéronnos que non querían facer un telediario, unha cousa seria, senón algo humorístico. Así, fomos gravando os distintos actos do guión, que se dividía en nove. Pero, cando iamos gravando, a Sabela, a nova “Almodóvar”, íanselle ocorrendo frases e señas para introducir no guión. Iamos avanzando a bastante bo paso, ata que nos atascamos en dous actos, o cuarto e o sétimo. Custounos sacalos, o cuarto porque era moi longo e o sétimo porque non parabamos de facer modificacións no guión. Así, o venres 13 de maio, acabamos o traballo. Pero aquí chega a maior anécdota da gravación, cando xa a remataramos e cando xa marchabamos, Evaristo avisou de que, por erro, borrara o último acto. Por sorte, o último acto saíranos bastante ben e non necestitamos máis de dúas tomas para rematalo.

O guión sobre Lois Pereiro consta de 9 actos ( trátase de escenificar programas similares ao de Buenafuente ou Gran Wyoming) onde aparecen presentadores en plató e reporteiros na rúa á caza da breve entrevista que nos poida achegar máis información sobre o este autor.
A través destes espontáneos coñeceremos aspectos do nacemento, estudos, vida e obra: Monforte, Loia, Conversa Ultramarina, enfermidade,...).

En breve che amosaremos este traballo audiovisual tan ambicioso.

Jorge López ( 3º ESO )

jueves, 19 de mayo de 2011

DISCURSO Correlingua

Aquí tes o discurso que, Jorge López de 3º e Irene Barreira de 2º , pronunciaron na entrega do premio do vídeo "Eu falo galego porque..." en Santiago.

Ola a todos e a todas!
Quixeramos en primeiro lugar agradecer a concesión deste premio a aquelas persoas que apreciastes as gañas e o agarimo postos neste traballo.
Grazas aos compañeiros e compañeiras do IES FONTEM ALBEI da Fonsagrada que prestaron a súa voz e a súa imaxe para reivindicar a lingua que falan a cotío.
Grazas tamén aos profesores como Carme, a mellor dinamizadora lingüística que pode haber e a Sabela e a Evaristo que coas súas fundamentais achegas técnicas lograron que videio fose un éxito.
Non queremos esquecer tampouco a todos aqueles profes e persoas que nos rodean que nos fan valorar un pouco máis o que temos de noso.

En fin, estamos moi orgullosos de estar aquí recibindo este galardón, e estamos moi moi orgullosos de vivir nesta marabillosa terra e de poder falar unha lingua que nos fai ser o que somos.
E, como a cabeza non para, queremos aproveitar a ocasión para aconsellarvos que non vos deixedes levar por prexuízos inútiles que enturbian a mirada. Sode libres e amade sempre o voso, e logo xa falaremos (EN GALEGO, MADIA LEVA!)

Moitas grazas

miércoles, 11 de mayo de 2011

VIDEO "Eu falo galego porque..."

Un premio máis.......!!!!

O pasado martes, 26 de abril, un grupo de rapaces e rapazas do instituto fomos a Santiago para recoller o premio que nos deron polo vídeo do Correlingua "Eu falo galego porque..."

Queres velo??? Amosámoscho a continuación...

jueves, 31 de marzo de 2011

Campaña "Galeguización do comercio"

Por que todas as pegatinas que aparecen nos agasallos están sempre en castelán?? Por que nunca as vemos en galego??

O alumnado do IEs Fontem Albei pensou niso e idou unha campaña de galeguización do comercio na Fonsagrada. En que consistiu??? Pois moi sinxelo!!! Coa axuda da profe de plástica, Paula, creamos diferentes deseños a partir de montaxes manuais con diversos materiais ( tesoiras, papeis, plastilina, chupa-chups, bombillas, fíos.....). Despois a profe fixo unha foto das diferentes creacións e..... deseño de pegatina creado!!! O único que nos faltaba era pór o texto en galego. De todo isto, saíron unhas pegatinas para poder felicitar diferentes datas signifivativas. A última tarefa.... pois repartir unha plantilla de pegatinas a cada comercio da Fonsagrada. Queres ver como quedaron????