O 23 de maio visitaranos o escritor MARCOS CALVEIRO

Marcos Calveiro (Vilagarcía, 1968), neto de feirantes taberneiros, vive en Vigo, onde desenvolve a súa actividade profesional como avogado. Deuse a coñecer como narrador coas novelas xuvenís Sari soñador de mares (2006) e Rinocerontes e quimeras (2007). En 2007 recibiu o XVIIIº Premio Ala Delta de Literatura Infantil por O carteiro de Bagdad, novela editada en galego e castelán, que logo recibiría o Premio White Ravens en 2008. Despois, mereceu o Premio Barco de Vapor de Literatura Infantil 2008 por O canto dos peixes (2008), o Premio Lazarillo de Literatura Xuvenil 2009 e Premio Fervenzas Literarias ao Mellor libro Xuvenil, 2010 pola novela O pintor do sombreiro de malvas (Xerais 2010) e o Premio Merlín de Literatura Infantil 2012 por Palabras de auga (Xerais 2012). En 2011 publicou Lois Pereiro. Náufrago do paraíso (Xerais 2011) e Centauros do norte (2011) polo que obtivo o Premio Raíña Lupa de literatura infantil e xuvenil 2010. Tamén é autor da tetraloxía El samurai del rey (2010-2011). A meirande parte da súa obra está traducida ao castelán e catalán. En Xerais Narrativa leva publicadas dúas novelas: Festina lente (2008) Premio da Crítica 2008 (narrativa), Premio Fervenzas Literarias ao Mellor Libro de Narrativa adultos, Autor do ano 2008 e Premio Irmandade do Libro ao Mellor Libro Galego do Ano 2009 e Setteccento (2010). Como poeta publicou Cartas do terceiro día (2007), VIIº Premio de Poesía Concello de Carral. Mantén aberto o blog Alfaias http://alfaias.blogaliza.org e o perfil en twitter: twitter.com/calveiro.

Nesta avaliación  os  libros  de  lectura  obrigatoria  que  marcou  o   Departamento   de   GALEGO   foron:

2º ciclo ESO

1º ciclo ESO

BAC

                

Todos estes libros son obras do autor MARCOS CALVEIRO. O EDL e Dpto. de LINGUA GALEGA fixeron as oportunas xestións para que un día lectivo nos visitara este autor, polo que na data do 23 de maio acompañaranos en 2 sesións:

• De 10:30 a 12:00 h. - CHARLA COLOQUIO co 3º ciclo de Pimaria e 1º ciclo da ESO.
• De 12:30 a 14:00 h. - CONFERENCIA para o 2º ciclo da ESO e BAC.

Agardamos  que  esta  actividade  vos resulte atractiva e formadora.

Tamén lle queremos agradecer de antemán a boa  disposición  e  a presenza no noso centro a MARCOS CALVEIRO, por vir compartir connosco a súa obra e as súas experiencias como escritor.

                                                            GRAZAS MARCOS.