Os días 2 e 3 de novembro un grupo de 12 rapaces pertencentes a 2º e 4º da ESO fomos a Portugal a buscar o premio do proxecto Ponte...nas ondas!
O primeiro día, cando chegamos á cidade de Porto, leváronnos ao noso albergue que se atopaba fronte á desembocadura do río Douro. Alí deixamos a nosa equipaxe e saímos a coñecer a cidade. Visitamos o casco vello e a coñecida librería Lello de Porto, famosa por ser inspiración dun dos escenarios que aparecen na novela de Harry Potter. Logo ceamos na beira do Douro, onde o pasamos moi ben.
O segundo día, de camiño a Maia, lugar da entrega do premio, observamos as praias da cidade que son moi bonitas.Cando chegamos a Maia sorprendémonos ao ver o grande e elegante que era o recinto que albergaba a recollida dos galardóns. Alí primeiro fixemos unhas fotos e logo entramos no salón de actos onde había moitos cursos de diversos colexios, institutos e universidades de Galicia e Portugal que tamén foran premiados.
Logo de recibirmos todos os premios e o obsequio dunha pequena maqueta representativa dun barco típico de Porto, chamado barco rabelo (polo que alí nos explicaron) fomos convidados a unha comida coa que puidemos degustar, entre outras cousas, migas de bacallao, ensalada e pasteis de coco e chocolate.
Despois de comer comezamos a nosa viaxe de volta,con dúas paradas: unha na fortaleza de Valença do Minho para dar un pequeno paseo e coñecer o lugar e outra en Outletui, un centro comercial na fronteira entre Portugal e Galicia, alí puidemos facer algunha que outra compriña rápida para dirixirnos á nosa Fonsagrada, logo desta viaxe breve pero intensa.
O primeiro día, cando chegamos á cidade de Porto, leváronnos ao noso albergue que se atopaba fronte á desembocadura do río Douro. Alí deixamos a nosa equipaxe e saímos a coñecer a cidade. Visitamos o casco vello e a coñecida librería Lello de Porto, famosa por ser inspiración dun dos escenarios que aparecen na novela de Harry Potter. Logo ceamos na beira do Douro, onde o pasamos moi ben.
O segundo día, de camiño a Maia, lugar da entrega do premio, observamos as praias da cidade que son moi bonitas.Cando chegamos a Maia sorprendémonos ao ver o grande e elegante que era o recinto que albergaba a recollida dos galardóns. Alí primeiro fixemos unhas fotos e logo entramos no salón de actos onde había moitos cursos de diversos colexios, institutos e universidades de Galicia e Portugal que tamén foran premiados.
Logo de recibirmos todos os premios e o obsequio dunha pequena maqueta representativa dun barco típico de Porto, chamado barco rabelo (polo que alí nos explicaron) fomos convidados a unha comida coa que puidemos degustar, entre outras cousas, migas de bacallao, ensalada e pasteis de coco e chocolate.
Despois de comer comezamos a nosa viaxe de volta,con dúas paradas: unha na fortaleza de Valença do Minho para dar un pequeno paseo e coñecer o lugar e outra en Outletui, un centro comercial na fronteira entre Portugal e Galicia, alí puidemos facer algunha que outra compriña rápida para dirixirnos á nosa Fonsagrada, logo desta viaxe breve pero intensa.
No hay comentarios:
Publicar un comentario