CELEBRACIÓN DÍA DAS LETRAS GALEGAS

Este ano fixemos unha celebración especial do Día das Letras Galegas. Levamos todo o ano profundizando na figura de Rosalía de Castro desde moi diferentes prespectivas conmemorando o 150 aniversario da publicación de Cantares Gallegos.
Dentro do noso Proxecto Rosalía queríamos renderlle unha sentida homenaxe a esta autora sen esquecer a Roberto Vidal Bolaño, home de teatro ao que se lle dedicaba o Día das Letras Galegas.Así que os unimos nunha única celebración.

O acto comezou coa representación por parte dos alumnos de 4º ESO dun fragmento da obra de teatro Agasallo de Sombras de Roberto Vidal Bolaño e continou co recitado de poemas de Cantares Gallegos levado a cabo polos rapaces e rapazas de 3º ESO. Tamén se presentou o video co que estes últimos alumnos participaron no concurso Imaxina cantares! O final de festa foi cantando dúas composicións de Cantares Gallegos nun karaoke feito para a ocasión.

En definitiva, foi unha celebración moi emotiva e na que o pasamos moi ben. Se queredes ter máis información podedes ir ao blog do Proxecto Rosalía no enderezo proxecto-rosalía.blogspot.com

Viaxe á Pobra do Caramiñal

O alumnado de 2º da ESO  foi quen de organizar unha saída de tres días para disfruta dun tempo de lecer e compañerismo pretiño do mar. Fíxeron todas as xestións e cálculos precisos para a estancia.Logo supervisados os presupostos e considerando que era viable conseguiron o permiso dos pais e que os acompañaramos os profesores Manuel e Gloria (Titora).
 O seu comportamento foi exemplar e aínda que o tempo non acompañou para disfrutar da praia ,pasarono moi ben. Xogamos ás cartas ao escondite...e compartimos sobre todo moito tempo de conversa.Parabéns a estas iniciativas do alumnado que amosa ter adquiridas competencias para a vida!!!
Se queredes ver máis fotos pinchade AQUI

Correlingua 2013. O galego,a chave do mundo.

Un ano mais participamos no Correlingua en Lugo. A verdade é que esta é unha das actividades nas que o Centro ven participando con asiduidade nos últimos anos e sempre o pasamos moi ben.
Hoxe o día axudou moito, porque tivemos unha mañá soleada para poder reivindicar que o galego é a chave do mundo mentres dabamos unha volta completa á muralla romana de Lugo.
Cando rematamos coa volta á muralla seguimos a festa na Praza de Santa María, onde nos comunicaron que foramos os gañadores do 2º Premio de Pancartas.
A festa non rematou ata a hora de comer,despois de desfrutar de bailes e risas.
Aquí tedes algunhas das fotos da xornada.O resto podedes velas no Facebook do Instituto.

Hip Hop en Navia

O EDL do Fontem Albei e o de Navia de Suarna colaboraron para un obradoiro de Hip Hop o pasado  martes 5 de  marzo.
A xornada levouse a cabo no CPI de Navia de Suarna e asistiron os nosos alumnos e alumnas de 1º e 2º da E.S.O.
O MC García do grupo Dios que te Crew que están de xira conmemorando os 10 anos que levan facendo rap en galego foi o encargado de explicarlles como se facian letras de rap.
A rapazada quedou encantada coa experiencia,e esperemos que en eventos próximos nos deleiten coas suas creacións.
Se queredes ver as fotos do evento podedes velas todas no Facebook do Instituto.

Antroido 2013

Un ano máis celebramos o Antroido con moita participación e afluencia de público tanto disfrazado como sen disfrazar.
A calidade dos participantes foi boísima poñendo en serios apuros ó xurado,que incluso tivo que conceder un Accésit.
Xa estamos argallando para que oano que ben sexa aínda máis sonado. A crise  non nos pon medo porque o noso IES está a moita altura !!! Podedes ver todas as fotos no Facebook do Instituto.

O Nadal

O EDNL promoveu para este Nadal unha serie de actividades interdisciplinares que dende logo animaron e promoveron o espíritu navideño.
Colocouse un Nacemento feito polos alumnos con pedras recollidas no Río Naraxa (Pena do Inferno) que acabaron convertindo en figuriñas do nacemento.
Tamén colocamos e decoramos un abeto traído de Lamas de Campos.
Houbo un concurso de postais con traballos de moita calidade e cuantiosos premios.
E para rematar a festa...Atrapalla un millón (de fonsis, que foi a moeda creada para a ocasión) e o karaoke, do cal disfrutamos tanto profesores como alumnos.
Deixámosvos esta videofelicitación na que vos felicitamos dende o IESP Fontem Albei
Bo Nadal e ata a volta! Pincha en NADAL 2012 e verás todas as fotos.

O Magosto

Outro ano máis celebramos o magosto no IES Fontem Albei. Foi unha xornada chea de xogos,risas,bailes con gaita galega e por suposto con castañas.
O alumnado participou na souta, castañas en cadea e o baile da castaña.
Os profes tamén nos unimos a eles pasando un momento lúdico único.
Se queredes ver as fotos non tedes que facer nada máis que pinchar AQUÍ e chegaredes ó Facebook do Instituto onde están todas colgadas.